政情：四叔聞孫仔猛講多謝
政情：四叔聞孫仔猛講多謝
前晚香港青年協會開派對慶祝成立五十周年，城中政商界名人都畀面撐場，一向好支持青協嘅恒基地產主席「四叔」李兆基都犧牲弄孫之樂，撐足成晚。四叔一聽到記者問起孫仔就連聲講多謝，又笑得好滿足咁話：「好開心，一得閒就去同佢哋玩啦。」跟住問佢最近買股票嘅心得，點知佢好鬼馬咁話：「冇意見！呢排閉關。」佢真係識講笑，記者知佢每日靜坐養生就真，閉關反而未聽過。
四叔（左）見番近年深居簡出嘅楊鐵樑，雞啄唔斷。
有「AO歌王」之稱嘅民政事務局常秘楊立門獻唱《把根留住》。
滙豐亞太區行政總裁王冬勝（右）同林健鋒（左）成晚笑笑口，莫非因有朱玲玲陪伴？