政情：EQ花六年讀婚姻碩士
政情：EQ花六年讀婚姻碩士
建仔內最高學歷嘅區議員「EQ」葛珮帆，本身已有工商管理博士學位，尋日再度行畢業禮，攞多張「沙紙」，讀嘅係香港大學婚姻與家庭治療碩士課程。
呢個碩士一啲都唔易讀，一嚟佢以前從來都冇接觸過心理學，要由零開始，讀得好吃力；再加上呢個課程除咗做功課同寫論文，仲要做五百個鐘實習，對又要返工又要參選嘅佢係好大負擔。
當EQ好唔容易捱晒所有實習鐘數，但未交畢業論文就要瞓身預準區議會選舉。拖吓拖吓，拖到大學向佢發出最後通牒佢先開始寫論文，好彩最後都交得切功課，最後三年課程拖到極限六年先畢業，如果唔係嗰五百個鐘就前功盡廢喇！
EQ話成功畢業，要多謝老公（右）默默咁支持佢。