SUN世代：海鮮意粉贏美人歸
SUN世代：海鮮意粉贏美人歸
美味情緣
一手好廚藝，抱得美人歸。Ken有個空姐老婆，她當年是本地大學酒店管理的高材生，有美貌有智慧。「廚房仔無啦啦點會識到空姐吖，我老婆以前喺半島做實習㗎，其他人都好驚訝點解佢揀我，哈哈！」
Ken的追女仔必殺技，就是他的美食魔術手，「佢做學徒時，無咩人理佢，我係第一個畀佢埋去個爐蒸魚，會悉心教佢。我第一次煮畀佢食，係佢最鍾意嘅海鮮意粉！」他們在廚房邂逅到拉埋天窗，至今已度過七個寒暑。
星級大廚在家也是大廚，常常收工前執定食材，回家給老婆煮大餐。自稱為人木獨、不懂花言巧語的Ken，常常批評老婆的廚藝，唯一讚許是她的愛心粥：「我病嗰時，佢嘅煲肉碎粥真係掂呀，有兒時味道，令我諗起嫲嫲煲嘅粥！」
Ken與太太「一家四口」遊北海道，兩位小朋友其實來自一個日本家庭。