早察司機唔妥 乘客悔未落車

【本報訊】「職業司機都醉駕，離晒譜！」在意外中受傷的乘客怒斥小巴司機罔顧安全，攞乘客條命較飛，要求政府修例嚴懲醉駕。他們又指見司機駕駛如「舞龍」，曾商量落車，最終放棄念頭，沒想到即出事。

呆呆滯滯似「索咗嘢」

乘客張先生表示，昨日因趕時間才選乘小巴到旺角上班，他在白沙灣上車時，發現司機面露疲態，目光呆滯，好似剛玩完通宵、飲過酒或「索咗嘢」。

腳部受傷的張指出，沿途車速約七十至八十公里，有時測速器響個不停，司機卻毫無反應，小巴車身不斷搖晃。由於座位沒有安全帶，他已暗中握緊扶手。當時其他乘客也覺不妥，有人商量是否落車，惟最終無人下車。他指日後見到司機「唔精神」，一定不會乘搭，以免再受驚受傷。

坐於小巴尾二排座位的錢先生表示，他與太太從西貢南圍登車，途中亦察覺司機不妥，「本來諗住中途落車，但諗吓路程短，博佢唔會有問題，結果就博輸咗！」錢斥責職業司機醉駕「離晒譜」，絕對不能接受，政府必須用重刑對付那些無視市民安全的司機，絕對不能姑息，「如果醉駕要坐十年監，睇吓仲有冇人夠膽醉駕。」