Sun世代：貪玩做埋茄喱啡

留學英國是Ian最開心的日子，說起過去趣事，他仍然很興奮：「Formal Hall係劍橋嘅傳統，每個College嘅學生要着得好formal請朋友食飯，做host仲要着袍o架，場面好似Harry Potter咁，我哋會將一便士放入其中一個同學嘅酒杯入面，便士上有英女王頭像，即係代表英女王浸親，嗰個同學就要一口氣飲晒杯酒，救番英女王出嚟！」

別以為Ian「讀番書」便「鬼聲鬼氣」，其實他的中文很好，背誦詩詞歌賦也難不倒他：「喺英國識咗個上海同學，佢將自己個名改入《滿江紅》入面，我覺得好有型，慢慢就愛上中文。」

Ian甚麼話題也侃侃而談，唯獨說起女朋友便有點忸怩，只肯透露女友同樣在英國讀書。不說不知，Ian○一年拍過張婉婷執導的《北京樂與路》，跟舒淇做對手戲。他笑說：「其實係做茄喱啡啫，朋友嘅媽咪識得張導演，諗住可以去北京玩吓，結果由朝拍到晚，根本冇時間玩。」