Sun世代：「參展如劉姥姥入大觀園」
Sun世代：「參展如劉姥姥入大觀園」
Raymond小時鮮有機會接觸玩具，家裏甚清貧，父母皆為小販：「放假放學我就幫手拎豬皮、豬紅，又或者運布、搬花。」故此，能夠把興趣變成事業，實在難以置信：「參與唔同嘅展覽，好似劉姥姥走入大觀園！」
Raymond提起過去周遊列國大開眼界，即表現得眉飛色舞，而他第一個「親生仔」玩具，亦有其縮影：「呢隻骷髏頭公仔，有唔同嘅配件，頭戴Cap帽、手揸士巴拿、揹住背囊。好似我飛去日本、台灣、美國等地買貨，周圍做展覽咁。」
而他的真正十四歲親生仔，則穿着他設計的公仔T-shirt，直接做他的流動「生招牌」，四歲細仔出世後，他又整隻BB版Qee公仔慶祝，認真廿四孝爸爸。不過太太作為他公司的財政大臣，卻非由畫公仔追到手，記者問怎樣追求，他只靦覥地說：「用誠意囉！」
世界各地設計師參與Raymond的展覽會，更簽名留念。