政情:范太愛LeSportsac夠襟用
政情:范太愛LeSportsac夠襟用
早前喺一個婦女界嘅酒會,見到手挽LeSportsac而來嘅全國人大常委范徐麗泰,原來袋中有袋,放喺入面嘅銀包都揀LeSportsac。范太話鍾情呢個品牌多年,家中珍藏多個大小唔同嘅款式,呢個品牌以前用膠做內裡,當佢用到個袋甩膠就攞番舖頭維修;依家內裡改良咗,感覺安全好多。
Judy虞茱迪代理美國品牌LeSportsac十幾年,欣賞佢哋率先採用降落傘尼龍物料做嘅袋。早前佢拎住個黑色閃令令LeSportsac現身美容品牌活動,問佢攞卡片時,Judy揪出另一個小巧細袋,睇真啲,都係LeSportsac。
范太家中收藏多個LeSportsac袋。