政情：施榮懷節食減磅唔使運動
政情：施榮懷節食減磅唔使運動
廠商會舉辦嘅工展會將喺十二月中揭幕，副會長兼展覽服務公司主席Irons施榮懷近日忙於籌備開幕，加上銳意減肥，體重驟減十五磅。佢透露除咗忙碌之外，減磅秘訣唔使點做運動，每餐食七、八成飽就得嘞，而味道清淡嘅上海菜館「留園雅敘」就啱晒佢胃口。
Irons喜歡食魚，尤其鍾意店內巧手嘅「龍鬚桂魚絲」。大廚挑選約斤幾重嘅桂魚，運用純熟刀法起肉後切成幼絲再落鑊炒香，火候掌握極講究，事關炒得太耐，魚肉會變老，失去爽脆感覺。
品嘗過魚香後，佢點多一味「香糯肉」，製法係以荷葉包住糯米同五花腩肉一齊蒸約二十分鐘，荷香滲透入每一粒飯，配埋腩肉滲出嘅香濃肉汁，入口煙韌，令人回味無窮。五花腩雖然美味，但Irons正在減磅，只會淺嘗。
龍鬚桂魚絲鮮甜有益，啱晒施榮懷胃口。
香糯肉