Sun世代：為謝安琪承受好大壓力

「好大壓力」是Paul的口頭禪，打理父親辛苦創立的生意，當然大壓力，而他在青年商會的十年生涯中，承受最大壓力的，是擔任今年十大傑出青年選舉的籌委會主席。

Paul不收分毫，付出九個月時間籌備選舉。「由宣傳提名期到甄選，再到結果公布同搞頒獎典禮晚宴。用咗超過七成時間，食飯都喺度開會，同事都話好似搞傑青選舉先係我正職。如果做得唔好就摧毀晒之前咁多屆嘅努力，所以好大壓力！」而歌手謝安琪當選傑青，引起不少人質疑，掀起風波，Paul苦笑說：「不斷畀傳媒追問，我唔答又怕佢話黑箱作業，答又怕佢歪曲事實，好大壓力！」雖然承受不少壓力，但Paul仍認為值得。

帶着公事去旅行

即使去旅行，Paul仍記掛着公司事務，壓力揮之不去：「去邊都放唔低公司嘢，老婆都話我冇一次旅行係唔見客，又成日掛住覆email！」唯一能令他忘卻壓力的，原來是足球。Paul在中學時代愛上踢足球，更一直是校隊代表！「但呢排踢少咗好多，差唔多年紀要掛靴喇！」