Sun世代：從商行善互惠互利

不少人認為「逢商必奸」，做生意與貢獻社會難以共存，但胡惠基（Paul）卻能做到兩者兼顧，甚至互相裨益。Paul加入非牟利團體逾十年，矢志「訓練自己，服務社會」。掌管家族生意的他，因投放太多時間於社會服務，曾遭家人反對，但他仍無放棄，反以行動證明，生意與志願服務其實可互惠互利。最近他更創辦社會企業，致力保護環境，「做生意其實可以同時造福社會！」

胡惠基是家族生意的掌舵人，原來背後是個獅子山下的奮鬥故事。他並非來自大富之家，而是在屋邨長大，父親咬緊牙關創立五金廠，每天為生活打拚，在震耳欲聾的機器聲及滿布油污的環境下，捱足十七個鐘，年少的Paul亦充當童工，在工廠幫忙包裝及運貨：「爸爸咁辛苦，但半夜走嗰時，幾攰都唔捨得嘥一毫搭巴士，堅持行返屋企，令我好明白一分一毫得來不易，賺到嘅錢要用嚟做有意義嘅事，亦應身體力行幫助社會有需要嘅人！」

活用義工經驗搞生意

Paul大學畢業後，接管父親的五金廠，亦加入國際青年商會，抱着「訓練自己，服務社會」的信念，十年來一直付出時間心血，積極參與各項社會服務。後來，家人不滿他投放過多時間於社會服務，反對他參加青商，但他卻沒有放棄，反而用行動證明，參與社會服務並不會影響家族生意！

「我做過青商分會會長同總會副會長，成日帶領會員去唔同國家搞志願活動，鍛煉咗國際視野、領導才能、團隊管理，我就將學識嘅嘢用喺生意度，培訓由農村嚟嘅員工學英文同電腦，教佢哋發電郵畀外國客，成功將生意擴展到美國同歐洲！」在Paul的領導下，五金廠的營業額由每年約一千萬元增至去年超過一億元，足足躍升十倍！

創環保社企回饋社會

Paul近年更與同學兼死黨創立環保社企：「我哋一直關注環保，好擔心社會下一代唔夠資源，同要喺嚴重污染嘅環境成長，所以創辦呢間對社會有承擔嘅公司。我哋會搵公司贊助，用環保物料造成有用商品，再送出去。希望用我喺青商建立嘅人際網絡，將環保推廣得更快！願望係用我小小嘅影響力，幫助到社會！」

胡惠基（Paul Wu）小檔案

年　　齡：36歲

婚姻狀況：已婚

學　　歷：香港中文大學經濟系

現　　職：五金螺絲廠董事、惟柏力治（Republic G）創辦人及董事

公　　職：九龍青年商會2006年會長、國際青年商會香港總會2008年副會長、十大傑出青年選舉2010年籌委會主席

興　　趣：踢足球、旅遊