政情：陳錦泉潮食芋香瑞士卷

港人貪新鮮，連零食都唔例外，做入口零食生意起家嘅賓仕洋行董事Andrew陳錦泉成日要周圍飛發掘新款零食。早前銅鑼灣崇光熱賣台灣美食，咁啱見到Andrew喺度坐鎮，仲推介罕見嘅芋香瑞士卷。

佢話瑞士卷多數係朱古力味、忌廉味等，有次佢喺台灣高雄發現一間老餅家製造嘅瑞士卷，香濃綿滑嘅芋泥勁好味，又充滿中西合璧嘅趣味。後來佢搵咗多名同事齊試味，又將原本偏甜口味調校至啱香港人嘅甜度，再以低溫方式空運來港。

佢話入口嘅食品種類過千，但港人貪新鮮，所以每年平均要淘汰約兩成舊產品，再補充啲新嘢入口，近年就因應潮流重點引入台式食品。

每個月都要去台灣搵新嘢嘅陳錦泉，最新發掘咗芋香瑞士卷蛋糕。

芋香瑞士卷