政情：孫啟烈特訓新抱揀床單
政情：孫啟烈特訓新抱揀床單
都市人生活緊張，要瞓一覺好嘅，除咗要鬆弛神經之外，床上用品都好重要。講到心水床單，工業總會主席孫啟烈就鍾意「雅芳婷」，仲自爆佢個仔當年結婚，都係冚呢個品牌嘅龍鳳被。
「雅芳婷」早前推出新床上用品系列，孫啟烈專登撐場，見到新床單，忍唔住摸吓質料如何，十足半個專家。不過孫家屋企嘅床單，原來另有「買手」，就係孫啟烈嘅新抱喇。
孫生話新抱入門後，首先要持家有道，所以揀床單嘅重任，就交由佢發辦。以呢招特訓新抱，聽落幾有心思。好彩呢位老爺唔難服侍，喜歡款式簡潔嘅床單，最怕係花花碌碌，感覺「好娘」，新抱知佢心意，氹得老爺好開心。
孫啟烈