SUN世代:叫三歲兒子做菲傭助手

Howard出身並非大富大貴，父親以前在銀行做經理，母親亦要外出打工，「我估屋企經濟唔係咁好，我啲同學問我點解成日搬，同佢哋好唔同。」父母無暇照顧他和弟弟，只好靠婆婆，故婆孫關係非常好，連耍八段錦亦預埋她一份。

不得飯來張口

「喺少林寺學完返嚟，朝朝六點叫埋婆婆到樓下耍！」不少老人家熱愛晨運，聽聞有人免費教授耍拳，消息即刻一傳十、十傳百，最多試過有三十名公公婆婆成為Howard「徒弟」。「連遲少少起身都唔敢，婆婆話有幾百歲人等緊你，你好唔好意思遲？」因為持之以恒不斷耍，Howard的身形與在少林時比較並無兩樣，「做任何嘢都講自律、持久，做生意都一樣，賺快錢無幾多人可長遠做。」

Howard的教仔之道，亦堅持自小要有紀律、有責任心，不得「飯來張口」。「之前請菲傭幫手，講明唔可以縱壞佢（三歲兒子），要叫佢做菲傭助手。日日叫佢幫手抹枱、掃地，唔好似其他小朋友，咩都唔識。做慣咗，佢就唔覺辛苦。」