政情：黃進達讚港客照遊韓國
政情：黃進達讚港客照遊韓國
聖誕假就到，韓國本來係滑雪勝地，但係依家南北韓緊張對峙，炮聲隆隆，仲應唔應該去？康泰旅行社總經理Jason黃進達話，報團去南韓人數係少咗，但依然有人照去可也。
Jason尋日入馬場為爸爸黃士心隻愛駒「旅遊大亨」打氣，講起遊韓旅客有冇受炮火影響，佢氣定神閒咁話影響唔大，事關港人挑通眼眉，知道南北韓對峙其實好濕碎，滑雪季節臨近，一於照出發。
喺美元急貶值下，出門旅行皮費重咗好多，連帶旅行社嘅營運成本都增加，點拆招好？Jason話公司一向有做外幣對沖，匯價波動對佢哋衝擊唔大。
黃進達（右）話港人無懼炮火照去南韓玩。旁為廣東社團總會主席王國強。