SUN世代:「五分鐘睇症」的遺憾

所謂醫者父母心，醫生總想細心關顧每個病人的需要，但在本港醫療系統的資源所限，Vincent亦曾經感到無能為力，「有個婆婆等咗個幾鐘，終於見到我，但係診症時間得幾分鐘，我就要打發佢走。佢話：可唔可以講多幾句？」

勸唔服病人唔好生

他無奈說，在外國一個下午只看六個症，「點知返嚟香港，一個下晝要睇六十個。」作為眼科醫生，他最深刻的經驗，是與患有遺傳性眼疾的失明男病人的角力。「我叮囑佢，生BB嘅話，一半機會會盲。」病人聽完便算，「跟進個案一年幾後，佢太太大住肚陪佢嚟醫院，我真係唔知講咩好……」Vincent惟有按捺心裏的憤怒，再提醒其遺傳問題。

原來該病人明知下一代可能會失明，亦固執不聽，終於誕下個永遠生在黑暗世界的小男孩。然後過了一年，病人又來覆診，相似情景再出現，他的太太竟腹大便便來到Vincent面前，他簡直看傻了眼：「唔係講咗會盲咩，點解仲生？」幸好病人的第二胎是個健康女嬰。「我唔可以怪佢，如果我唔止五分鐘，而係半個鐘，可能已勸服佢。」他眉頭緊皺說：「個女仔生活會好開心，但男仔以後五十年會點？父母真要諗多步。」