政情：「立法會道」命名勢拍板
政情：「立法會道」命名勢拍板
立法會新大樓將於明年入伙，新會址各方面都徵詢應屆議員意見，啲議員都費盡心思，由餐廳、休息室到開會坐嗰張櫈，甚至議員辦事處點樣分層，都有好多睇法。尋日立法會行政管理委員會透露大致敲定立法會新大樓外一段道路嘅命名，如無意外應該會叫「立法會道」。
行管會尋日總結早前諮詢嘅結果，據講，超過六成議員都贊成「立法會道」呢個名，所以行管會會將呢個意見轉交地政總署作最後「拍板」，預計會獲得採納。新大樓嘅工程真係勢如破竹，尋日通報嘅進度係明年五月，新大樓嘅首批工程將會完成，最遲都會喺六月底就全面完工，所以議員應該可以順利喺年底正式入伙。