政情：大輝薦馬會會員須過三關

前日廉政公署拘捕多名馬會遴選會員同會員，指有關人等涉嫌收受賄款協助他人申請馬會會籍。身為馬主兼遴選會員嘅廠商會立法會議員林大輝話，聽到呢單新聞後都好唔開心，坦言任何制度都唔係完美。佢又話自己提名嘅會員最少要具備三大條件，絕不能單憑請食飯就可以攞到佢嘅提名。

大輝話佢首先會了解申請人係咪熱愛賽馬運動，其次係申請人係咪有需要使用馬會會所內各項設施，例如閒時到會所食飯聯誼或做運動健身，最後要了解申請人係咪對社會有貢獻，當然要係交得起會費啦！

林大輝