SUN世代:兒時志願做明星

當選傑青，一炮而紅，報章、電視訪問接踵而來，性格內向或招架不住。不過阿陞應付得綽綽有餘，更自爆表演欲強，求學時期最愛參加話劇班。「我做過話劇㗎，咁啱有一齣係同環保有關，講地球暖化，冰天雪地地區大受影響，企鵝都無處容身！」那隻可憐的企鵝，就是阿陞！「我夠晒大膽，唔怕醜，演技仲好OK㗎，我兒時志願係想做明星！」

感激太太寬宏大量

可惜，兒時志願總是令人感到現實殘酷。他自嘲「唔夠高」、「唔靚仔」、「把聲又沙」，笑說：「我真係無一樣條件令我做到明星，不過我希望能夠有一樣嘢出色，好似我個名咁，都有個『星（陞）』字，可以閃吓。」

昔日小企鵝，今天已在環保界發熱發光，背後支持來自家人：「父母就算窮都畀最好嘅嘢我，創業初期支出大，細佬、家姐偷偷地放錢入我銀包，大家感情好好。」支持他的，還有善解人意的太太。提起太太，阿陞心存愧疚：「我忙到連蜜月都無去到，唔知幾時補得番……」他尷尬一笑，感激太太寬宏大量。