吳斌自從退任個人資料私隱專員後繼續做律師，生活步伐好緊湊。日前下晝四點幾，記者見吳斌急步行到利源西街一個小販攤檔前，買咗個有感光功能嘅數字鬧鐘，盛惠九十八蚊，連袋都唔使就咁拎住個鬧鐘急步橫過電車路，完全唔跟紅綠燈。記者上前同佢打招呼，佢話屋企鬧鐘壞咗，但傾兩句就趕住走。其實無論幾趕都好，都要守規矩㗎，過馬路應該注意安全，真係做壞榜樣！
