政情：霍公子兩部電話候捷報
政情：霍公子兩部電話候捷報
港隊揚威亞運，奪得多面獎牌，港協暨奧委會會長霍震霆都話喜出望外。連日嚟坐鎮廣州為港隊做啦啦隊嘅霍公子尋日風塵僕僕，由廣州返港出席「亞太區室內設計大獎頒獎禮」，講起香港足球代表隊喺十六強止步，佢話球員表現交出水準，打入十六強已係歷史上嘅好成績。對於有香港健兒摘金，佢笑到好似自己攞牌咁開心，笑言只係開始，希望港人齊心打氣。咁會唔會私人重酬奪金健兒？佢就擺出鬼馬笑容，話係秘密。
佢今日又要撲上廣州繼續觀戰，
實獎牌榜。話就話輸贏唔緊要，但其實佢好期待攞牌，又自爆近日長開兩部手提電話，一有健兒攞獎，電話就會傳嚟喜訊話：「會長，又攞牌喇！」聽見都心甜。
霍公子長開兩部手提電話，等候港隊健兒報捷。