政情：阿Ron再獲頒榮譽博士銜
政情：阿Ron再獲頒榮譽博士銜
科技大學尋日頒授法學榮譽博士學位畀行政會議成員阿Ron夏佳理，咁啱佢遲啲喺二十號將獲頒大紫荊勳章，可以話係雙喜臨門。由於早前打風嘅關係，授勳典禮要押後，搞到阿Ron個勳章遲遲未到手，仲打亂家人嚟賀佢嘅陣腳添！
阿Ron話今次係佢第二次獲頒榮譽博士學位，上一次係城大，今次輪到科大，佢覺得好開心同榮幸，但暫時唔會慶祝住，會等埋正式拎到大紫荊勳章至同家人慶祝。
阿Ron囝囝一直住喺菲律賓，不過因為工作繁忙，今次應該抽唔到身返香港出席授勳典禮，同佢分享喜悅，不過佢已經約好幾個喺香港嘅親人，溫溫馨馨咁食番餐慶祝。
阿Ron獲科大頒授法學榮譽博士學位，稍後再攞埋大紫荊勳章，可謂雙喜臨門。