政情：袁國強深明紅隧塞車苦
政情：袁國強深明紅隧塞車苦
為咗解決紅隧擠塞嘅問題，政府搵顧問整咗份報告，建議「紅加東減」，尋日畀咗交諮會討論。新任交諮會主席袁國強尋日首次見傳媒，話份顧問報告內容好長，需要花啲時間研究，而且呢件事嚴重影響民生，遲啲要再同班委員開會討論。佢仲加多句，話單睇份報告，好難即時畀意見，好似有人建議最好三條隧道劃一收費，表面睇好吸引，但係咪可行冇人知，所以暫時佢都唔會表態。
雖然冇表態，但佢話自己辦公室鄰近中環，自己返工成日都要過海，三條隧道都有用，亦好明白紅隧嘅塞車情況，佢無論作為市民或者交諮會主席，都好想搞掂呢個問題，遲啲會收集埋市民意見，再寫份建議書畀政府。
其實袁主席係資深大律師，睇文件、寫報告易如反掌，希望佢急市民所急，快啲寫好份報告交畀政府。