Sun追擊：邊砌邊玩培育食腦新世代

「砌機械人可以訓練腦筋！」「畀我哋喺創作上天馬行空，就最好玩！」一群基督教宣道會宣基小學的學生，道出學習機械人課程的好處，而該小學早在○一年已自行推出機械人課程，讓所有小五、小六學生學習，藉以培育出一批「食腦」的新一代。

「今次功課係設計機動遊戲，我就砌咗個4D模擬飛行器出來，會三百六十度旋轉㗎。」學生羅琛曜雀躍地說。而另一位學生彭俊叡則認為：「依家啲機動遊戲都唔使用腦，邊好玩㗎？我整咗個探險智力橋出嚟，啲人要諗吓點過橋，過得唔好就會跌落水。」在設計時，學生創意是最重要。學生林君明說：「好似相撲機械人咁，如果無創意，個個都一式一樣，最終都係比吓邊個零件勁，邊個砌得實淨，無意思！」

這間學校的學生，更憑其創意及解決問題的能力，於國際機械人比賽獲獎無數，而任教老師鄭家明更曾獲封為全國十優機械人指導員。