Sun世代：「多刀冇用o架 利嘅一把就夠」

Edwin除了有生意頭腦，記憶力原來亦很強，更把書本學到的融會貫通，贈記者不少金石良言，句句精警，例如在買賣公司的過程，就算發現有發展潛力的公司，他都不會貪心地據為己有，「路邊野花不要採，接收咗就專注唔到本行，多刀冇用㗎，利嘅一把就夠啦！」

凡事勿太盡

談到營商之道，Edwin說要從父親身上學習，「佢教我拎着數唔好拎到盡」。曾經有前職員冒充公司招徠生意，他遂向法庭申請禁制令，律師建議可向職員追討賠償，但他沒有行動，「就係記住唔好去到咁盡」。現在，每次生意上有疑難，他總會請教父親。

Edwin來自中產家庭，自小和哥哥妹妹住在觀塘的私人樓，父親亦是白手興家之人，曾做過士多、食店、超級市場等，「咩生意佢都做過」。Edwin還分享了一件他童年的驚險事：「夜晚八點幾，去超市等阿爸阿媽收舖，點知有幾個揸真槍嘅賊仔嚟打劫，我得四歲唔識嘢，被挾持仲叫佢哋做叔叔，好彩警察嚟到之後，嚇走咗佢哋！」