甩皮唐樓法團擬解散

【本報訊】紅磡華豐街驚現唐樓危樓，在七月時曾發生外牆石屎剝落跌落街，如今只要伸手一碰，外牆石屎即剝落，十分「化學」。業主立案法團原本打算維修及買保險，但有業主拒絕出錢，法團成員擔心明年一月一日強制法團買保險的法例生效後，仍未買到保險要負上法律責任，揚言解散法團。

樓齡五十五年的紅磡華豐街十四號，樓高五層，二、三樓間成套房出租，四、五樓業主自住，連同地舖在內共有五名業主。地舖業主兼法團代表黃惠嫦稱，五月收到屋宇署維修令，業主遂籌組法團，打算維修及買保險，估計每戶要出資三至五萬元，直至七月發生外牆石屎剝落事件，仍有業主拒絕出錢。

「要上身邊個制？」

黃惠嫦不滿地說：「業主應該大家合作維修，如果再有石屎剝落，砸到人點算？我賣舖都唔掂啦！」面臨強制法團買保險的法例即將生效，黃說：「一定解散法團！要上身嘛，邊個制？」

二樓租客羅先生則稱，單位殘舊，室內室外都有石屎剝落，露出鋼筋，每逢落雨便漏水。他伸手出窗外碰一碰外牆，石屎即鬆脫跌落街。

被指拒絕夾錢的二樓業主黎女士則否認指控，她自稱年老無工作，而且租金收入只有五千多元，不足以支付供樓的七千多元，所以出錢維修的確有困難。