政情:肥胡做主持執生了得
政情:肥胡做主持執生了得
香港打工仔出名工時長,政府早前正面回應立法規管標準工時一事,但商界都有唔少疑慮,尋日幾個商會舉行聯合午餐會,香港總商會主席胡定旭做主持人,佢原來都幾識執生。
煲呔曾喺午餐會上演講,呼籲商界支持標準工時,佢話政府會平衡各方利益,唔會將個頭塞入沙裏面。講到長工時,佢趁機呻自己每日由朝做到黑,有時凌晨四點已經要起身,做到深夜。肥胡呢個主持人即刻執生話,似乎研究設立標準工時前,可以考慮先為行政長官設立最高工時喎。
煲呔曾尋日致辭時,一開始就引用Bob Dylan嘅名曲《The Times They Are A-Changing》,解釋時代已經轉變咗,呼籲商界要分擔社會責任,令到社會更加和諧。不過唔知點解,佢讀極都讀唔到呢位名歌手嘅名,搞到台下傳嚟陣陣竊笑聲。
肥胡尋日主持幾個商會一齊舉行嘅聯合午餐會。