Sun追擊：眼手鼻並用分真偽
工業鹽入水溶得慢
「食用鹽經純化，粒粒都好通透，工業鹽因有雜質，會無咁通透，可能呈現白色或微黃微粉紅等雜色。好似含有鐵質嘅，就會微橙微黃色，含有銅或鎳嘅，就會微綠，而含有錳或鈷嘅，就會有少少微粉紅色。」林漢華說。
除了色水不同，手感與氣味都有分別。林漢華表示：「食用鹽好易溶於水，手感較笠，但工業鹽就會溶得慢啲，攞上手感覺好乾身，好粉咁，而含有山埃嘅工業鹽，可能聞起來有陣杏仁味，但有少部分人會因為基因問題而聞唔出。」不過，他亦指出，由於工業鹽種類繁多，不排除部分的顏色、手感及氣味上，都與食用鹽相差不大。
