政情：彭一庭牛一歎靚法國菜
政情：彭一庭牛一歎靚法國菜
以土木及建築工程起家嘅俊和集團，對於質素嘅要求梗係高啦，而集團主席Dominic彭一庭對美食嘅要求一樣採取高標準。佢推介四季酒店六樓嘅法國餐廳Caprice，盛讚以佢哋米芝蓮三星級質素嚟講，價錢唔算貴，早前太太仲特登安排同佢喺度撐枱腳，慶祝佢生日添！
Dominic話當晚對餐廳嘅法式炒田雞腿意大利飯印象最深，覺得好好味。講起Caprice呢道佳餚，精彩之處係以法式煮法炮製，首先將田雞落鑊炒，令表皮香酥、肉質甜嫩，然後佐以香草汁，待其精華全被田雞肉吸收，最後配上西班牙甘腿同埋意大利飯，難怪令Dominic回味無窮。
其實佢好鍾意食日本菜，貪佢少油，夠晒健康。但問佢覺得邊間日本餐廳最正，佢就諗極都諗唔到個餐廳名，事關佢總係覺得啲食肆未夠十全十美。
彭一庭對美食嘅要求有好高標準。
法式炒田雞腿意大利飯賣相同口感一流。
Caprice餐廳曾經被評為米芝蓮三星級餐廳。
