政情：安德魯王子跟進西九發展
政情：安德魯王子跟進西九發展
英國約克公爵安德魯王子上個月十八至十九號旋風訪港，雖然只係匆匆留港兩日，不過都抽時間同西九文化區管理局行政總裁謝卓飛碰頭，了解吓西九文化區項目係乜東東。上月十八號佢哋兩個喺九龍環球貿易廣場（ICC）碰面，可能係貪嗰度能夠鳥瞰成幅西九土地啦！
雖然相隔安德魯王子訪港已經大半個月，但最近謝卓飛收到嚟自白金漢宮嘅感謝信，原來安德魯王子喺同謝卓飛碰面翌日，已經寫咗封信，多謝謝卓飛向佢介紹西九同三份概念圖則方案，令佢留有深刻印象，仲希望可以繼續知道西九嘅發展，所以將來要繼續對話。
難得有皇室成員對西九感興趣係好事，最緊要將來西九起好之後，唔係只有皇室成員先入得。
上月中安德魯王子喺ICC同謝卓飛（右二）、新鴻基地產執行董事黃植榮（左二）同港鐵行政總裁周松崗會面。