Sun世代：人生下半場都係畀足球

球賽好比人生，李健和人生的上半場給予足球，來到四十不惑之年，沒有中場休息，他就開始下半場。教波、到電視台講波，最近更推出自傳，詳述一名坪洲長大的足球小子，踏上球星之路，和哥說：「本書係我口述，由莫逸風負責寫，大約講咗四次，要講番一生，都有少少感觸，不過為人生上半場做總結都係好嘅。」

家中唯一粉絲：大仔

和哥上半生吸引無數球迷，但問到家中成員是否粉絲之一，他斬釘截鐵：「無！」原來他的家人都沒有捧他場：「父母無入過球場睇我，可能電視有睇過啩。我老婆又唔鍾意足球，更加唔會睇，不過我都無所謂，我唔會勉強人做任何嘢。」

事實上，同樣熱愛足球的大仔嘉華，大概是和哥家中的唯一粉絲。嘉華是和哥所教的青年軍成員之一，和哥笑指當父親和教練有明顯分別：「喺屋企我隨和啲，個仔可以駁嘴，但喺球場就唔得，因為球隊講紀律，教練喺球場嘅知識比球員豐富！」