政情：王國強喜事浪接浪
政情：王國強喜事浪接浪
全國政協委員、廣東社團總會主席王國強（KK）最近喜事連連，旗下金陶軒酒家月初勇奪旅發局《美食之最大賞》兩個至高榮譽金獎，下個月十二日，佢又獲浸會大學頒授榮譽社會科學博士，年底大仔紹基嘅太太又生BB，佢榮升做爺爺，咁多開心事，難怪佢笑咪咪喇。
位於佐敦柯士甸道童軍中心八樓嘅金陶軒獲獎後，生意更好，日前KK又突擊試菜，佢哋獲得至高榮譽金獎嘅菜式係海鮮組「紫袍羅漢會龍皇」及雞類組「脆皮椰子雞」。金陶軒總經理謝德橋（Stanley）話，今次佢哋組成十人團隊出戰，除咗精心鑽研菜式外，仲要計算成本限制。
金陶軒目前已有四大鎮店獲獎名菜，最近更特別推出「得獎名菜宴」，加埋老火湯「淮杞螺頭龍骨燉海中寶」、清蒸老虎斑及KK炒米等，愛食之人可以一網打盡。
王國強（左一）率領總經理謝德橋（右一）、主廚張錦華（右二）及助理劉耀強（左二），贏得美食之最兩項至高榮譽金獎。
紫袍羅漢會龍皇