Sun追擊：藝人向減肥藥說「不」
Sun追擊：藝人向減肥藥說「不」
諸葛梓岐
「減肥最好搵營養師，營養師不單協助減肥，亦教我哋均衡飲食，幫我哋有健康飲食。我從來都唔食藥減肥，因為我知道好多藥可能影響心臟。我以前試過一早起身食好多生果，點知營養師話原來一個橙都可以係半碗飯咁多分量，所以均衡飲食先係最重要！我有朋友試過食減肥藥，食完好唔精神！我自己就未食過，但一定唔會試！」
莊思敏
「我一向都唔主張食藥減肥，減肥方法可以去美容院做機，針對部位去做，而平時我都會跑步。飲食方面食少油、少煎炸食物都有幫助，試吓用蒸呢啲方法去煮食，都幫助減肥。」
楊崢
「減肥藥物有副作用，好耐以前都有發生！其實做帶氧運動都係好好嘅減肥方法，當然係要搵一種自己都鍾意嘅運動，好似我咁，我就最鍾意游水。最好多餐食菜，如果可以做到最好一日食兩餐菜，總之減肥唔係唔食嘢，係要食得健康！」
諸葛梓岐
莊思敏
楊崢