政情：王以智演繹無縫天衣
政情：王以智演繹無縫天衣
早前宣布年底退休嘅滙豐私人銀行亞洲CEO王以智（Monica），衣着品味一向係焦點。佢鍾情意大利殿堂級品牌Giorgio Armani，早前出席香港藝術中心一個活動時，就以一件剪裁乾淨利落嘅銀灰色短袖Armani上衣襯黑西褲，充分演繹簡單就是美。
Monica盛讚Armani設計師有腦，佢身上呢件上衣衫身冇車線，只用絲帶編織而成，好有structure。佢醉心精巧裁縫工藝，但唔鍾意度身訂造，寧願買現成方便啲，佢仲話：「我着衫好簡單，最緊要舒服，有啲朋友話我着衫好保守，我認為着衫一定要啱自己同啱場合。」名媛淑女最怕撞衫，佢就另有見解：「我認為同一件衫着喺唔同人身上，會散發唔同韻味，就算撞衫都唔尷尬。」
王以智身上呢件Armani衫身冇車線，只係用絲帶編織而成。