SUN世代：唔似媽咪吳夏萍 選港姐耍手擰頭

Jasmine的母親吳夏萍曾參選香港小姐，其後加入娛樂圈，對扮靚非常有心得，大家可能會以為Jasmine也很「貪靚」，沒想到原來她不愛打扮，平日只穿T恤牛仔褲，從來不施脂粉，連在猛烈陽光下也不塗防曬！說起化妝品，她皺起眉頭說：「我唔鍾意嗰種油立立嘅感覺！」問她會否像媽媽般參選港姐，她更是耍手擰頭。

踏上馬鞍忘記他人目光

與母親不相似的，還有演藝細胞。吳夏萍年輕時，又拍戲又唱歌，充滿表演欲，但囡囡Jasmine卻不喜歡受人注目：「我好怕做Centre Of Attention，唔習慣畀好多人望住！好似學校有話劇表演，我爭住做棵冇對白，又冇人留意嘅樹。」

記者問她，馬術比賽時不是也會受觀眾注目嗎？她綻出燦爛笑容說：「唔同㗎！我一騎馬就沉醉咗喺同馬嘅二人世界，只係專注喺點樣一齊跨過前面嘅欄，忘記晒其他人嘅目光！」