政情：王征出口術想做亞視CEO？
做義工冇高薪
政情：王征出口術想做亞視CEO？
亞視風雲引起全城關注，股東同高層變動不時傳來，尋日自嘲係「亞視義工」嘅王征同亞視執行董事盛品儒出席一個商界活動時，問到行政總裁一職，佢哋各有講法，王征仲好幽默話，如果呢個位真係公開招聘，佢一定會應徵喎！
做義工冇高薪
王征有心大搞亞視，無奈一直以來只能夠以義工自居，難怪講起有高薪嘅CEO職位，佢都開玩笑。不過，佢話到明，原CEO胡競英只係暫時停職。盛品儒更澄清，亞視暫時無意招聘CEO，目前由佢負責亞視嘅營運管理。身兼兩職嘅盛品儒仲話，依家亞視狀況唔錯，無論士氣及營運等各方面都比以前好好多喎！
王征（右）好有興趣應徵做亞視行政總裁，但盛品儒（左）就話未考慮招聘。中為潮州商會會董方平。
