政情：黑英撐天文台測鮎魚夠準
政情：黑英撐天文台測鮎魚夠準
香港潮州商會尋晚設宴為十六位獲授勳及委任為太平紳士等榮譽嘅潮州人慶祝，呢個活動原本係上周末港府授勳嘅跟進行動，點知港府被飄忽嘅颱風鮎魚嚇窒，臨時取消禮賓府舉行嘅授勳儀式，結果尋日嘅活動，十多個主人家胸口冇得戴襟章，只能戴襟花意思一下。
獲得金紫荊星章嘅全國政協常委、「零食大王」戴德豐對取消授勳有啲微言，話原定上周末隨廣東省政協訪問團去湖北考察，因為授勳儀式取消咗，點知授勳儀式又臨時取消咗，搞到佢兩頭唔到岸，失晒預算。
咁天文台預測鮎魚係咪失準呢？潮州「架己冷」、前天文台長「黑英」林超英尋晚都有同太太攜手出席個活動，潮商慶祝佢獲港大頒授名譽大學院士，黑英力撐天文台預測颱風鮎魚移動途徑好準確：「天文台一早就講咗個風吹去邊啦！」咁港府係咪驚青呢？佢就耍手擰頭話唔講現在嘅嘢，鍾意講一萬年前嘅嘢喎！
林超英同老婆牽手出席活動，又力撐天文台預測颱風好準確。