政情：劉秀成撐選特首 陳智思：係咪整蠱我？
政情：劉秀成撐選特首 陳智思：係咪整蠱我？
前日立法會建築、測量及都市規劃界議員劉秀成喺電台播出嘅節目中，公開撐前泛聯盟「盟友」Bernard陳智思選特首，大讚做過立法會保險界代表嘅Bernard年輕、有幹勁同叻仔。不過，Bernard尋日表明，無意玩特首跑馬仔遊戲，令劉秀成「造王」不成。
「公職王」Bernard尋日以主席身份主持完可持續發展委員會會議後，被記者問及有冇意思選特首，佢笑指可能佢夠年輕，過往的確有人講笑話要提名佢，但佢「絕對冇打算」跑馬仔，一嚟冇興趣，二嚟公職纏身。
曾經想提名Bernard選特首嘅人，會唔會就係劉秀成呢？唔似。事關Bernard聽見話劉秀成撐佢時，一臉狐疑，笑言「係咪整蠱我㗎？」然後就話好多謝賞識佢嘅人喎。其實劉秀成曾經同Bernard一齊喺立法會合作，又點會整蠱佢呢？賞識佢就真。
陳智思