政情：李妮買名錶諗足一星期
政情：李妮買名錶諗足一星期
早前喺博愛醫院嘅活動上遇見亞姐前冠軍、博愛醫院總理Lily李妮，當日佢戴咗隻鑲滿閃鑽、售價十三萬幾嘅BVLGARI腕錶，別致高雅。咪以為靚女使錢唔眨眼，原來佢扑錘買錶之前，足足諗咗一個星期。
Lily依家係幸福少奶奶，自己又有投資其他生意，間中買靚錶、靚衫獎勵自己當然不為過。當日見佢手挽Hermes青綠色靚袋，佢笑稱係「鴨屎綠」，但見佢演繹咁蝦人穿戴嘅顏色，又carry得好好喎！
講起隻BVLGARI靚錶，原來有段古。Lily話有日佢陪朋友去BVLGARI分店攞錶，閒逛時被呢隻鑽錶深深吸引，但定價要十三萬八千蚊，於是佢話畀自己聽，如果喺未來三日都掛住佢就買啦！卒之佢諗足七日七夜，隻錶注定屬於佢。
Lily仲話自己嘅消費態度一向好認真，尤其是參與慈善活動後，更加珍惜自己擁有嘅一切。
李妮戴住嗰隻錶，足足諗咗一星期先扑錘買。