政情：陳晴佗B萬聖節唔扮嘢
政情：陳晴佗B萬聖節唔扮嘢
踏入十月，就係海洋公園搞嘢嘅時候，近年嚟搞萬聖節活動愈玩愈癲，唔止主席「扮嘢文」盛智文例牌扮鬼嚇人，連斯文淡定嘅海洋公園保育基金主席Judy陳晴都玩埋一份，但今年佢決定唔扮嘢。點解？
聯合國兒童基金前日邀請一班小朋友參加萬聖節扮嘢比賽，Judy啱啱升任兒童基金香港委員會主席，當日梗要現身撐場，又做埋評判。面對住嘩鬼空群而出，佢即使佗住BB都百無禁忌，仲讚小朋友無論點扮都好可愛，認真愛心爆棚。
Judy又話今年佢唔會扮嘢過萬聖節，咪以為佢大肚多多避忌，其實係佗住咁大個肚，身形太明顯，無論點化妝扮嘢都會畀人認到，咁咪費事玩囉！講番「升呢」做媽咪嘅心事，佢話預產期喺年底，暫時未諗到幫小生命改乜嘢名，仲話諗到時會通知我哋喎！
陳晴話預產期喺年底，暫時未諗到幫小生命改乜嘢名。