Sun世代：做區議員忠孝難全

「阿媽一手湊大我，雖然唔係親自照顧，但我知佢好辛苦。」Eric感激母親，不過在生活上卻相當「不孝」，皆因他三年前當選區議員後，便忙到不可開交，連阿媽亦被冷落了，「一星期先可以同佢食一次飯，佢投訴話『搵你食飯要預約啊』！」

參選日睡三小時

不過，Eric要做個稱職的勤力區議員亦無可厚非，因為機會是留給有準備的人。「好好彩遇到劉江華、張學明同李國英呢三個老闆，學到好多，○三年仲畀我第一次選區議員。」他形容當時是「非人生活」，每天好像打三份工，即選舉、讀社工系及當議員助理，還要學手語，睡覺時間只剩三至四小時，終於他在○七年當選了。

工作忙碌，Eric卻很懂得減壓，閒時會行山、打球，近年更愛上攝影，帶街坊北上旅行亦不忘把風景人物攝進鏡頭。有次更寓工作於娛樂，在社區歌唱比賽獻唱謝安琪的《囍帖街》而獲得名人組冠軍。