政情：克勤仔歎勁hit和風定食
原來呢度係克勤仔最愛嘅食肆之一，已經幫襯咗五、六年。佢鍾意餐廳嘅價錢合理，食物賣相精緻，最緊要係好好味。佢經常嚟幫襯，有時同朋友飯聚都會揀呢度。當日就算立法會冇開會，佢都專登嚟祭五臟廟。
克勤仔極力推介餐廳嘅和風定食同埋魚生飯，當日佢叫嘅和風定食，有齊前菜、刺身、煮物、燒物同蒸蛋等，難怪佢盛讚好似歎緊小型懷石料理。
Naozen係中環人醫肚嘅熱點，佢哋以高級刺身作主打，材料新鮮而且價錢合理，最啱忙碌嘅中環上班一族忙裏偷閒歎餐飽！
美食當前，克勤仔急不及待起筷。