政情：兩名媛爭做女童軍一姐
政情：兩名媛爭做女童軍一姐
香港女童軍總會早排鬧出超齡總監事件，現任總監邊陳之娟到明年四月任滿後冇得留低，接棒人選誰屬備受關注。接近女童軍總會消息透露，芸芸女童軍高層中，依家以「福布斯」富豪、中華總商會會長蔡冠深嘅太太蔡關穎琴同副總監彭徐美雲最有望當選，雙雙成為下屆女童軍「一姐」大熱。
女童軍總會下屆總監候選人提名期本來已截止，而且只收到一個提名，就係邊太。依家邊太連任甩轆，總會高層呢個禮拜三將開會商討延長下屆總監提名期。消息透露，現任女童軍總會港島地方協會會長蔡關穎琴被視為未來一姐大熱，蔡太本身係律師，辯才出色，曾擔任女律師會會長；又喺老公支持下成立「垂誼社」並親任主席，支持本地演藝事業。
另一位總監人選就係現任副總監彭徐美雲。彭太約喺五年前開始參與總會高層決策，熟悉會務，丈夫係公益金名譽副會長彭曉明。
蔡關穎琴