政情：Eva有口話人冇口話自己
政情：Eva有口話人冇口話自己
港鐵日前發生電纜斷裂事故，油麻地港鐵站外上演人逼人鬧劇，趕返工嘅打工仔變晒沙甸魚，港鐵內部溝通亦現晒醜態，政府高層一樣唔光彩。運輸及房屋局局長鄭汝樺（Eva）當日朝早迅速回應事件，又話嚴重、又要港鐵交報告，事後又責難港鐵資訊不清，好似唔記得咗自己都有份坐港鐵個董事會，有份監督港鐵。
尋日Eva出席青年協會一個活動，同逾四百個學生真情對話，有個高中生問Eva若果事發時佢係現場嘅一個乘客會點面對？Eva好大路咁話佢會冷靜應對，跟住又明窒港鐵冇畀到正確資訊乘客。