政情：大輝唔認係唐唐家臣
講到施政報告宣布關愛基金計劃之後，外界有指關愛基金變成唐唐嘅競選基金，大輝直斥呢種說法荒謬，認為外界過分敏感，仲話事件好易變成「曾參之死」翻版，更會令日後受助人對基金善款受之有愧。其實，尋日立法會宴請高官，唐唐都有出席飯局，亦畀記者追問呢個問題，但佢寧願喺中環暴走都唔肯回應，反而大輝就挺身而出，係咪好奇怪呢？
女議員飯局搶鏡
講番尋日個飯局，大輝因為要返沙田林大輝中學處理校務而冇出席。有出席嘅女議員同高官個個悉心打扮，匯賢智庫主席葉劉淑儀、白鴿黨副主席劉慧卿同發展局局長林鄭月娥都扮到隻雀咁，喺男士們嘅黑灰色西裝陣中零舍搶眼。
林鄭喺席上同立法會法律顧問馬耀添雞啄唔斷。
着皮褸現身立會午宴嘅葉劉，被質疑件皮褸堅定流。