政情：嫻姐踩施政報告冇料到
政情：嫻姐踩施政報告冇料到
工聯會嘅前立法會議員陳婉嫻復出傳言甚囂塵上，尋日佢忽然現身立法會，仲落嘴頭批評份施政報告「力度甚為不夠」，六大產業虎頭蛇尾。
嫻姐返立法會原來係約咗其他工聯會兄弟開會，想傾吓立法制訂標準工時問題。講到新一份施政報告，嫻姐即時回復昔日本色，話政府冇處理貧窮問題，六大產業又隻字不提。佢對施政報告咁上心，係咪因為要參選超級區議會議席呢？佢今次都係笑笑口唔講。
嫻姐話打算送本書畀煲呔曾睇吓，本書寫南韓總統李明博做首爾市長時整治清溪川嘅經驗，話佢即使得百分一機會都冇放棄，不過佢正煩惱點樣當面送畀煲呔曾。