政情：鮎魚殺到授勳典禮叫停
政情：鮎魚殺到授勳典禮叫停
超級颱風鮎魚逼近，政府嚴陣以待，原定聽日上晝同下晝喺禮賓府舉行嘅「2010年度勳銜頒授典禮」將會延期，儀式新安排將另行通知。因為颱風影響授勳，相信係近二、三十年嚟首次。
呢條消息一出，最失望嘅梗係三百位獲授勳人士啦，特別係攞大紫荊勳章嗰七個名人，其中包括諾貝爾獎得主高錕同賭王何鴻燊兩位老人家。高錕近月留喺香港，出席中大為佢豎立銅像同攞大紫荊勳章兩件大事，高太黃美芸喺九月底話，因為擔心高教授唔記得，所以當時仲未同佢講佢成為咗大紫荊勳章得主。今次改期，唔知對高錕親自領取勳章有冇影響呢？