「今朝阻住你返工」惡搞海報洩憤

【本報訊】數以十萬計港鐵乘客昨晨飽受「走難」之苦，掀起互聯網上一片「鬧爆」港鐵的浪潮，不少聲音批評港鐵經常發生故障，令上班、上學的市民大失預算。有網民更惡搞港鐵的宣傳廣告，設計出「唔好意思，今朝阻住你返工」海報洩憤。同時，大批網民集中火力批評昨晨意外後的應變服務，形容是「安排差到爆及玩死人！」

大批打工仔女及學生昨晨被港鐵故障連累遲到，有人聲稱因此被老闆扣減數百元人工，亦有人對港鐵的安排極為不滿。網民Bebe華華質疑：「（港鐵）喺電視賣廣告又點？唔好意思又點？一發生事故就唔識應變，正一垃圾公司。」

網民：安排差到爆

網民超人則認為，「油麻地站出故障係意外，不過港鐵安排接駁巴士極度混亂又係另一回事……我只能講港鐵接駁巴士嘅安排真係有問題」。chickenlee更批評：「安排差到爆，玩死人……」

網民幸運之神只能無奈質問港鐵：「港鐵，你已經咁多年經驗，仲係安排得咁差，累我哋遲到，你咩意思呀！！」有網民索性惡搞港鐵最近熱播的「唔好意思」廣告，將港鐵原本就新工程引起的不便向市民致歉，改為為昨日的故障道歉。

網．民．反．應

Bebe華華： 「（港鐵）喺電視賣廣告又點？唔好意思又點？一發生事故就唔識應變，正一垃圾公司。」

超　　人： 「油麻地站出故障係意外，不過港鐵安排接駁巴士極度混亂又係另一回事……我只能講港鐵接駁巴士嘅安排真係有問題。」

chickenlee： 「安排差到爆，玩死人……」

幸運之神： 「港鐵，你已經咁多年經驗，仲係安排得咁差，累我哋遲到，你咩意思呀！！」

uk2006： 「我遲咗幾個字，無咗幾舊水人工！港鐵賠番錢畀我！」