政情：黃華麒玄語暗示退下

早幾日傳出廣播處長黃華麒因為健康嘅理由，明年二月約滿之後唔會再續約。黃華麒尋日喺上海世博出席香港周開幕禮嘅時候，冇正面回應呢個傳聞，只係話廣播處長係由政府任命，適當時候自然會有公布。

再追問身體狀況係唔係其中一個佢考慮嘅因素時，佢答得好玄，話：「如果你揸架車揸得長時間，都要去唧吓油、抹吓火嘴，然後繼續揼油。」莫非佢暗示要抖抖，會退下火線？