Sun世代：發揮潛能靠專注

Clarence自十九歲開始接觸高爾夫球，現時雖年僅三十二歲，但球齡已有十三年。如果他身處香港，每逢周日都會暫時拋下工作，與太太一同享受打高爾夫球的樂趣。他說自己是「early bird」，早上五點鐘起身，六點鐘出門口，七點鐘去到球場，是最早打波的第一批人，「我太太唔多曬得，所以一定係要咁早，又唔使同人逼。」

喜歡高爾夫球，Clarence僅視之為一項純粹的興趣，未想過考教練牌，也不熱衷參加比賽。他說：「高爾夫球係一項興趣，我唔需要向其他人證明自己有幾叻。對我來講，高爾夫球點解吸引呢？第一，佢逼你喺嗰三、四個鐘裏面，一定要好專注，等你可以拋低其他嘢；第二，可以置身喺類似大自然嘅環境裏面，起碼有樹有草，喺香港唔係咁容易可以搵到。」對於專注，Clarence有此體會：「一個人嘅能力好大，只要專注喺一樣嘢，你就做得好，你唔專注，可以判若兩人。」