政情：周國豐太太鍾情水煮魚
政情：周國豐太太鍾情水煮魚
已故社交名人周啟邦嘅獨子Brandon周國豐同太太Jenny黃泳霖係社交場合常客，早前同佢哋傾開食嘢，原來兩人都好鍾意食濃味嘢，好似blue cheese咁。Jenny話特別鍾意濃味嘅感覺，尤其對中環花園道科達中心三希樓嘅水煮魚念念不忘，事關佢最鍾意食麻辣嘢，直頭好似上晒癮。
三希樓馬經理話水煮魚係佢哋嘅招牌菜式，連外國人都聞香而來。佢哋有幾種生猛活魚供客人選擇，好似東星斑、桂花魚同龍躉咁，東星斑食落鮮甜，桂花魚就滑身啲，各有特色。至於成煲醒胃嘅辣椒都唔簡單，落齊子彈椒、貴州椒、雲南椒同埋花椒，香、麻、辣味俱全，上碟時香味撲鼻，令人垂涎三尺。
周國豐伉儷都鍾意食濃味嘅嘢，而太太黃泳霖對三希樓嘅水煮魚零舍着迷。
三希樓其中一味招牌菜係麻辣水煮魚，連外國人都聞香而來。